Nanambara ny Departemantan'ny Varotra Amerikana tamin'ny faha-9 ora eo an-toerana fa hampiato ny haba amin'ny vy avy any Okraina mandritra ny herintaona.
Tao anaty fanambarana iray, nilaza ny Sekreteram-panjakana misahana ny Varotra Amerikana Raymond fa mba hanampiana an'i Okraina hanarina ny toekareny amin'ny fifandonana eo amin'i Rosia sy Okraina, dia hampiato ny fanangonana ny haba amin'ny fanafarana vy avy any Okraina mandritra ny herintaona i Etazonia. Nilaza i Raymond fa natao hampisehoana amin'ny vahoaka Okrainiana ny fanohanan'i Etazonia izany hetsika izany.
Tao anaty fanambarana iray, nanantitrantitra ny maha-zava-dehibe ny indostrian'ny vy ho an'i Okraina ny Departemantan'ny Varotra Amerikana, ary nilaza fa olona iray amin'ny 13 any Okraina no miasa ao amin'ny orinasa mpanao vy. "Tsy maintsy afaka manondrana vy ireo orinasa mpanao vy raha te-hanohy ho andry iankinan'ny toekaren'ny vahoaka Okrainiana izy ireo," hoy i Raymond.
Araka ny antontan'isa avy amin'ny fampitam-baovao amerikana, i Okraina no mpamokatra vy faha-13 lehibe indrindra eran-tany, ary 80%-n'ny vy ao aminy no aondrana.
Araka ny Biraon'ny Fanisam-bahoaka Amerikana, dia nampiditra vy tokony ho 130 000 taonina avy any Okraina i Etazonia tamin'ny taona 2021, izay 0.5% monja amin'ny vy nampidirin'i Etazonia avy any ivelany.
Mino ny fampitam-baovao amerikana fa "tandindona" kokoa ny fampiatoana ny haba amin'ny fanafarana vy any Okraina.
Tamin'ny taona 2018, nanambara haba 25% amin'ny vy nafarana avy any amin'ny firenena maro, anisan'izany i Okraina, ny fitondran'i Trump noho ny "fiarovam-pirenena". Maro ireo solombavambahoaka avy amin'ny antoko roa tonta no niantso ny fitondran'i Biden hanafoana ity politika momba ny hetra ity.
Ankoatra an'i Etazonia, vao haingana ny Vondrona Eoropeana no nampiato ny haba amin'ny entana rehetra nafarana avy any Okraina, anisan'izany ny vy, ny vokatra indostrialy ary ny vokatra avy amin'ny fambolena.
Hatramin'ny nanombohan'i Rosia ny hetsika ara-miaramila tany Okraina tamin'ny 24 Febroary, dia nanome fanampiana ara-miaramila eo amin'ny 3,7 miliara dolara ho an'i Okraina sy ireo mpiara-dia aminy manodidina i Etazonia. Mandritra izany fotoana izany, dia nandray sazy maromaro tamin'i Rosia i Etazonia, anisan'izany ny sazy tamin'ny Filoha Rosiana Vladimir Putin sy olon-kafa, izay nanilika ny banky Rosiana sasany tsy ho ao anatin'ny rafitra fandoavam-bola an'ny Fikambanan'ny Fifandraisan-davitra ara-bola manerantany (Swift), ary nampiato ny fifandraisana ara-barotra mahazatra amin'i Rosia.