Vao haingana, nanambara ny fananganana ny foibe teknolojia sy fanavaozana Rio Tinto China ao Beijing ny Rio Tinto Group, mba hampidirana lalina ny zava-bitan'ny fikarohana sy fampandrosoana ara-tsiansa sy ara-teknolojia malaza ao Shina amin'ny fahaiza-manao matihanina an'ny Rio Tinto ary hiara-mikaroka vahaolana ara-teknika amin'ireo fanamby ara-barotra.
Ny foibe teknolojia sy fanavaozana any Shina an'ny Rio Tinto dia manolo-tena hampiditra tsara kokoa ny fahaiza-manaon'i Shina amin'ny fanavaozana ara-teknolojia ao amin'ny asa fandraharahana maneran-tany an'ny Rio Tinto, mba hampiroboroboana ny laharam-pahamehana stratejika, izany hoe, ho lasa mpandraharaha tsara indrindra, hitarika fampandrosoana tsara indrindra, hanana fahombiazana tsara amin'ny tontolo iainana, sosialy ary fitantanana (ESG) ary hahazo fankatoavana ara-tsosialy.
Hoy i Nigel steward, lehiben'ny mpahay siansa ao amin'ny Rio Tinto Group: "Nandritra ny fiaraha-miasa tamin'ireo mpiara-miombon'antoka Shinoa taloha, dia nandray soa betsaka avy amin'ny fivoarana haingana teo amin'ny fahaiza-manao ara-teknolojian'i Shina izahay. Ankehitriny, noho ny fanavaozana ara-teknolojia, dia niditra tamin'ny dingana vaovao amin'ny fampandrosoana avo lenta i Shina. Faly be izahay fa ny foibe teknolojia sy fanavaozana Shinoa an'ny Rio Tinto dia ho lasa tetezana ho anay mba hampitomboana bebe kokoa ny fiaraha-miasa ara-teknika amin'i Shina."
Ny vina lavitr'ezaka ho an'ny foibe teknolojia sy fanavaozana Rio Tinto Shina dia ny ho iray amin'ireo foibe fikarohana sy fampandrosoana manerantany an'ny Rio Tinto Group, hanohy hampiroborobo ny fanavaozana indostrialy, ary hanome vahaolana ara-teknika amin'ireo fanamby isan-karazany, anisan'izany ny fiovan'ny toetr'andro, ny famokarana azo antoka, ny fiarovana ny tontolo iainana, ny fampihenana ny vidiny ary ny fampitomboana ny fahombiazana.